В неділю 10-го новембра ґрекокатолицькы віруючі в Руській Кайні при торжественній літурґії дяковали Богу за 200-ту річніцю збудованя Храму святого Архістратига Михаіла. На торжестві брав участь Высокопреосвященый Йона, пряшівскый архієпіскоп і митрополіта, котрый підкреслив ревность і віру предків, якы перед 200 роками вырішыли збудовати Божый храм. В рамках річніці одбыло ся і посвячіня обновленого екстерьєру і інтерьєру храму, котрый быв по землетрясіню з минувшого року пошкодженый.

(Медвідь, ISPA)