До опозічного руху Progresívne Slovensko вступує ексміністер загранічных діл і неуспішный презідентьскый кандідат Іван Корчок. Інформовав о тім вєдно із лідером руху Михалом Шімечком і далшыма членами руху на понедільковій пресконференції. За словами Корчока мав много далшых можностей, што зробити з політічным капіталом, котрый має, но не хотів експеріментовати. Корчок повів, же хоче підпорити субєкт, котрый при далшых вольбах, але і довгодобо, буде справды „домінантнов, продемократічнов, проевропсков і модернов силов, котра рушать нашу країну допереду“. Шімечка акцентовав професіоналну історію Корчока і його компас цінностей. Подля председы руху їх з Корчоком капчать візія країны – візія модерной европской Словакії, але і політічный штіл, котрый вызначує ся почливостьов, фаховостьов і охотов співпрацовати.

(Медвідь, TASR)