Презідент Словацькой републікы Петер Пеллеґріні одшмарив вшыткы жадости о вступ словацькых гражданів до україньской армії. Почас свого мандату їх офіціално здобыв штири. Єдну подав граждан іщі почас выконованя мандату бывшой презіденткы Зузаны Чапутовой, но вырішовав о ній аж сучасный презідент, інформовала Канцеларія презідента СР. В припаді, же гражданы Словакії хотять леґално залучіти ся до боїв по боці україньской армії, мусять о позволіня службы в озброєных силах іншой державы жадати презідента републікы. Покля так зроблять без позволіня, грозить їм карный процес.

(Медвідь, TASR)