Сербскый міністер транспорту Ґоран Весіч в понедільок оголосив, же резіґнує в реакції на впаджіня части стріхы желізнічной штації в Новім Саді. Нещастя выжадало собі 14 жертв і трьох раненых. Як Весіч вчера інформовав на пресконференції, свою демісію передать презідентови Александрови Вучічови днесь. Іде о першого представителя влады, котрый вырішыв абдіковати по пятніцьовій траґедії. Желізнічна штація в Новім Саді была в послідніх роках двараз реконштруована. Будову по послідній реновації, котру робили кітайскы фірмы, одкрыли в юлі.

(Медвідь, TASR)