Ґрупа провокаторів вчера нарушыла церемонію на памятку польскых жертв сталіньскых репресій на памятнім цінтері Левашов при російскім Петрограді. Робітници цінтеря тыж розобрали обновленый сімболічный модел памятника, котрый быв зліквідованый минулого року. Інформує о тім аґентура PAP. В часі споминковой церемонії незнамы особы означены як ‟актівісты‟ нарушыли єй процес і уражали притомных, покы што польскый конзул укладав квіткы к симболічному памятнику. Памятный цінтерь Левашов припоминать жертвы совітьскых репресій в роках 1937 аж 1954. Подля інтернетовой сторинкы saint-petersburg.com там было місце похованя скоро 45.000 жертв зостріленых часто без суду в споминнім періоді. Многы были застрілены з етнічных або реліґійных причін. (TASR, Pkf)