Місто Вранів над Топльов докінчіло реконштрукцію бывшого центра містьского квартельного поднику. Будова ся од зачатку нового року змінить на інштітуцію з опатровательсков службов. Інвестиція была підпорена з Европского фонду реґіоналного розвоя в рамках вызвы Міністерства інвестицій, реґіоналного розвоя і інформатізації СР. Цілкова сума інвестиції досягла вышку 577.000 евр. Місто о тім інформує на своїй інтернетовій сторинці. Реконштрукційов взникло окрім іншого шість новых квартельных часті, котры будуть служыти про 12 клєнтів. Кажда квартельна часть є выбавлена спалньов з двома постелями, кухньов і властным безбарєровым соціалным заряджіньом. (TASR, ПКФ)