Америцьке міністерство обороны вчера інформувало, же в напрямі до Курьской області на западі Росії ся пересувать ‟пару тісяч‟ членів северокорейской армады. Пентаґон высловив страх, же вєдно з вояками Корейской людоводемократічной републикы (KĽDR), котры суть уж в реґіоні , будуть поужыты в бою проти україньскій армаді. Інформувала о тім аґентура Reuters. Курьска область є погранічным реґіоном на западі европской часті Росії, де в авґусті проникли україньскы часті. По даній офензіві мають Українці під контрольов стовкы квадратных кілометрів теріторії. Североатлантічна аліанція (НАТО) в понедільок увела, же северокорейскы вояци уж были вчленены до боїв в Курьскій області, де ся Росія снажыть одразити україньскый атак.(TASR, Pkf)