Україньскый презідент Володимір Зеленьскый в понедільок вечур на пресконференції на Ісландії выголосив, же „штохвіля“ буде на російскій теріторії 12 000 северокорейскых вояків, пише аґентура AFP. Коло 3 000 вояків і офіцірів із Северной Кореї уж є в Росії, повів презідент. Москва їх має подля Зеленьского выхосновати в бої на Україні. Україньска розвідка іщі в четверь інформовала, же уж заевідовала першы северокорейскы одділы в російскій Курьскій области. Североатлантічна аліанція в понедільок потвердила, же вояци із Северной Кореї уж суть насаджены до боїв у тій области, де Росія має намагу одбити україньскый напад. Подля ґенералного секретаря НАТО то значіть „вызначну ескалацію“ войны, пише AFP.

(Медвідь, TASR)