Російскый презідент Володимир Путїн ся у четверь на самітї ґрупы BRICS стрїтив з ґенералным таёмником Орґанізації Споєных народів Антоніом Ґутересом. Іде о їх першу стрїчу од апріля 2022, інформує TASR подля аґентуры AFP. Заберы подля аґентуры указують, як сі двоїца подавать рукы. Містны медії інформовали о зачатю розговорів, причім їх головнов темов бы мала быти война на Українї. Очекує ся, же будуть діскутовати і о актівітах OSN і сітуації на Близкім выходї. Ґенералный таёмник OSN у четверь выступив з проявом і на самітї BRICS а вызвав на справодливый мір на Українї. Ёго навщіву в Казанї скрітізовала Україна, котра припомянула, же Ґутерес не прияв єй позваня на міровый саміт у Швайцарії протягом лїта.

(TASR, Шутіова)