Російскый презідент Владимір Путін на саміті ґрупы BRICS в російскій Казані їднав у віторок із своїм кітайскым партнером Сі Тін-Пыхіном. Лідеры вєдно довше діскутовали о войні на Україні і односинах із Западом, інформовав Кремель. Говорця російского презідента Дмитрій Песков повів, же кедьже Запад атакує інтересы Росії і Кітаю, были то темы на діскусію. Кітай офіціално має односно войны на Україні невтралну позіцію і признавать теріторіалну цілость Україны. Но Москву Пекін ниґда не крітіковав за інвазію і проглюблює з Російов обходны односины. Подля кітайской державной телевізії Сі на стрічі знова означів Путіна за свого „старого приятеля“ і выголосив, же „меджінародну сцену захопив хаос“. Зато стратеґічне партнерство Пекіна і Москвы є силов, котра підтримує стабіліту.

(Медвідь, TASR)