Председа Австрійской людовой партії і сучасный канцеларь Карл Негаммер, котрый дістав повіріня зоставити нову владу, у віторок вечур повів, же гіпотетічна тісна владна векшына єдного депутата із соціалныма демократами бы не была достаточно стабілна і потрібне бы было до коаліції позвати третього партнера. Інформовала о тім аґентура Reuters. Австрійскый презідент Александер фан дер Беллен повірив вчера Негаммера зоставліньом влады наперек тому, же його людовці скінчіли аж другы в парламентных вольбах за крайно правіцьовов Слободнов партійов Австрії. Соціалны демократы были треті. Окрім тых партій до австрійской Народной рады дістали ся іщі дві партії – дотеперішній коалічный партнер Негаммера Зелены, і ліберална партія NEOS. Правдоподобнішым є, же Негаммер почне переговоры о коаліції з лібералами.

(Медвідь, TASR)