Пряшівскы крайскы посланці вырішыли в понедільок призначіти Ціны Пряшівского самосправного края (ПСК) за рік 2024 трьом лавреатом і Малопольскому воєводству. Ян Маєрник оцініня здобыв за довгочасову духовну старостливость і жерственну службу путником до Святой землі. За ціложывотну  оддану і творчу діятельность в області ґастрономії в Пряшівскім краю і на Словакії было оцініня призначене Норбертові Франкові. Ціна ПСК за рік 2024 была призначена і властникові оцініня Справодливый меджі народами Ондрейові Марадікові, ін меморіам, за одвагу і жертвенность, з насаджіньом властного жывота захранювати несправодливо пронаслідованых. Малопольскому воєводству была ціна прызначена за довгочасове приятельство і партнерство, выняткову анґажованость при розвою черезграничной сполупраці, гуманітарну поміч і інтензівну підпору при будованю просперіты обідвох пригранічных теріторій. Славностне одовздаваня Ціны ПСК ся одбуде в децембрі в Театрі Йонаша Заборьского в Пряшові. (TASR, Pkf)