Опозічны посланці Анна Заборьска і Ріхард Вашечка з клубу Slovensko, Za ľudí, KÚ пропонують запровадити нове державне свято ку річніці Свічковой маніфестації. Просадити то хотять новелізаційов закона о державных святах, днях робочого покоя і памятных днях, котру передложыли до парламенту. Пропозіцію арґументують потребов звекшовати свідомость о тоталітных періодах словацькой історії, окремо тых, котры ся 25-го марца 1988-го року поставили на оборону людьскых прав. Свічкова маніфестація было покійне згромаждіня віруючіх за гражданьскы і реліґійны слободы, котре проходило на Велику пятніцю 25-го марца 1988-го року. Твердо проти того закрочіли безпечностны силы. Од 1993-го року є тота дата памятным дньом Словацькой републікы – Дньом боротьбы за людьскы права.

(Медвідь, TASR)