Парламентна фракція мадярьской владной патії Fidesz пропонує владі спустити „народну конзултацію“, в рамках котрой бы ся гражданів звідали на їх погляд на економічну навтраліту Мадярьска, підпору малых і середніх подників, підниманя платів, пожычкы про робітників, підпору бываня і родины. Подля сервера magyarnemzet.hu то оголосив у понедільок лідер фракції Мате Кочіш. В перерві дводньового засіданя фракцій владных партій Fidesz-KDNP в Остригомі Кочіш повів, же фракції суть єднотны в тім, же в економічній сітуації, котра ся по пандемії і войні на Україні змінила, суть потрібны новы інштрументы і новы економічны рішіня, жебы країна была успішна. Народну конзултацію у формі анкеты заганяной гражданам запровадила друга Орбанова влада в році 2010. Дотеперь было 13 такых конзултацій, послідня влони была о охрані сувереніты Мадярьска.

(Медвідь, TASR)