Веце як 1450 жадателів з 95 сел выужыло поміч в рамках вынятковой вызвы Obnov dom 5 призначеной на обнову домів по минулорічнім граді в окресох Міхалівці і Собранці і землетрасіню в Пряшівскім краю. Про пресаґентуру TASR то у звязку з роковинов землетрасіня на выході Словакії увела Рената Ґешвантнерова зо Словацькой аґентуры  жывотного оточіня. Споминана аґентура выплатила властникам пошкодженых родинных домів залогы у вышці 9.821.000 евр. По обнові дому можуть властници пожадати о фінанчный вклад аж до вышкы 22.800 евр, інформував о тім діректор Словацькой аґентуры  жывотного оточіня Юрай Моравчік. (TASR, Pkf)