Опозічный рух Slovensko хоче просадити, жебы волебный період было мож скоротити референдумом. Зміну має принести новелізація Конштітуції СР, котру до Народной рады передложыли посланці за клуб Slovensko, Za ľudí, KÚ. Цільом новелізації є подля передкладателів посилніня права гражданів брати участь на справі діл публічных посередництвом інштітуту референдума. „Таке посилніня участи гражданів на процесах вырішованя ся жадать і з причіны актуалной політічной сітуації, коли ся вказує, же парламентна векшына в НР СР не хранить публічный інтерес, але властны інтересы і інтересы фінанчных ґруп,“ конштатують передкладателі. Єдночасно звернули увагу на то, же леґіслатіва є у вопросі референдума формулована єднако як при минулорічнім референдумі, котрый ініціовала партія Smer-SD з далшыма втогды опозічныма партіями.

(Медвідь, TASR)