Чеськый презідент Петр Павел у віторок на Пражскім граді выменовав двох новых міністрів. Шефом резорту промыслу і обходу по одході Йосефа Сікелы, котрый быв номінованый на посаду еврокомісаря, став дотеперішній посланець Лукаш Вылчек. Міністерство про містный розвиток по одкликаню шефа Піратів Івана Бартоша поведе дотеперішній гайтман Карловарьского краю Петр Кулганек. Піраты минувшый тыждень одышли з владной коаліції по тім, што премєр Петр Фіала пожадав презідента одкликати Івана Бартоша з посады міністра, і презідент выповнив жадость премєра.

(Медвідь, TASR)