Ізраільскый премєр Бенъямін Нетанъягу в понедільок при нагоді річніці атакы із 7-го октобра 2023-го року приобіцяв, же буде продовжовати в боротьбі проти палестіньского руху Гамас, і то довтогды, покля не буде тота „священна місія“ сповнена, інформує о тім аґнетура Reuters. Премєр повів, же покля неприятель огрожує існованя Ізраіля і мір в країні, будуть продовжовати в боротьбі. „Покля будуть нашы зартиманы іщі в Ґазі, будеме продовжовати в боротьбі,“ выголосив Нетанъягу в телевізнім прояві і приобіцяв, же ся не вздасть і буде продовжовати в тій „священній місії“. На згромажідню в Єрусалимі акцентовав, же людей, котры суть іщі в палестіньскім полоні, суть повинны привести назад, єднако як „героїв, котры впали при обороні отцюзнины і народа“.

(Медвідь, TASR)