Мадярьска влада крітікує цло на електромобілы з Кітаю
00
Охранне цло покладене на електричны автомобілы кітайской выробы є величезнов ранов про европске господарьство, головно німецькый автомобіловый промысел, выголосив мадярьскый міністер народного господарьства Мартон Надь. На неформалній стрічі послів Орґанізації про господарьску співпрацу і розвиток (OECD) шеф резорту далше припомянув, же проти того контроверзного рішіня Унії поставили ся Німецько, Мадярьско, Словакія, Словенія і Малта, далшых 12 країн ся стримало голосованя. То подля Надя вказує на поларізацію в рамках Унії. Членьскы державы Европской унії дали 4-го октобра дефінітівно згоду на додаточны цла аж до 45 процент на електромобілы імпортованы з Кітайю, а то наперек міцній неволі Німецька.
(Медвідь, TASR)
- Назад / Nazad Ізраїльскый презідент собі мінутов тиха припомянув вырочя атаку Гамасу
- Далше / Dalše Нетанъягу: Будеме продовжовати у „священній місії“