Міністерство обраны СР упозорнює в повязаню з ославами 80. юбілея Карпатьско-дукляньской операції (КДО) на запертя драгы І/21 на гранічнім переходї Вышный Комарник – Дукля, котра буде тырвати в недїлю 6. октобра од 6.00 г до 18.00 г. ,,Верейность зато просиме о терпезливость а зарівно о дотримованя інштрукцій транспортных поліцайтів, воєньской поліції і орґанізаторів,“ уводить резорт обраны. Шоферы і верейность будуть о обмеджінях інформованы посередництвом дочасного транспортного значіня на крижоватках. Коло Памятника чехословацького армадного збору на Дуклї і в містї Свідник сі МО СР в недїлю 6. октобра довєдна з верейностёв і гостями припомяне 80. юбілей КДО.

(TASR, Шутіова)