В суботу 28-го септембра в Ґрекокатолицькім храмі святых Кіріла і Мефтодія в Подпрочі одбыло ся свтякованя з нагоды 15-ой річніці його обновліня. Село Подпроч лежыть в Левочскых верьхах, послідні жытелі із села одышли в 1970-ых роках вдяка тому, же пришли о землю, котру їм сконфішковала держава, але і з причіны комплікованого приступу до села. Зістало там лем пару домів і храм, котрый быв збудованый коло року 1800. Домы, котры по собі лишыли, днесь хоснують ся рекреачно. В селі моментално жыють дві молоды родины. До Подпроча на торжество завітав Высокопреосвященый Йона, пряшівскый архієпіскоп і митрополіта, котрый посвятив новый кивот, скинію і єпіскопскый трон. В проповіді приговорив ся участным, родакам із Подпроча, архімандріта Марко Дурлак, протосінкел Пряшівской архієпархії.

(Медвідь, ISPA)