Чеська коалічна партія Піраты одходить із влады премєра Петра Фіалы. Одход з влады схвалив Цілодержавный форум Піратів. Голосовало за то 709 із 894 голосуючіх. Партія голосованя оголосила по тім, што председа влады Петр Фіала із ODS минувшый тыждень інформовав, же запропонує одкликаня председы партії Івана Бартоша з функції міністра реґіоналного розвитку, што презідент Петр Павел прияв. Причінов мало быти, же Бартош не звладнув діґіталізацію ставебного процесу. Голосованя было подля порталу iDnes.cz лем формалностьов, кедьже Бартош уж минувшый тыждень інформовав, же Піраты одыйдуть з влады. Ку днешньому дню демісійов кінчать і міністры Піратів Ян Липавскый а Михал Шаламоун.

(Медвідь, TASR)