Сітуація на фронтовій лінії на Україні є „барз складна“, повів вночі на віторок у своїм реґуларнім відеопосолстві україньскый презідент Володимір Зеленьскый, інформує аґентура DPA. Україньскы силы мусять подля нього почас слідуючіх місяців зробити вшытко, што є в їх силах. За словами презідента найважнішым є робити тиск на Росію хоснованьом вшыткых доступных средств і інштрументів у інтересі досягненя україньского ціля і справедливого міру про Україну і цілый народ штонайскоріше. Як далше підкреслив, Україна має повно роботы з приправами на стрічу на высокій уровни, на котрій очекує ся участь коло 50-ох країн включно америцького презідента Джова Байдена на воєньскій базі Рамштайн на югозападі Німецька.

(Медвідь, TASR)