Ціперьскый презідент Нікос Хрістодулідіс вчера в часі свого выступліня у Валній асамблеї OSN в Ню Йорьку выголосив, же є приправеный зразу обновити дебаты о зновуобєднаню етнічно розділеного острова. Вызвав тыж Турцію, абы ся залучіла до споминаного снажіня, інформує о тім аґентура Reuters. Як ціперьскый презідент дале повів, же є то нагода наступити на нову драгу міру, сполупраці і кооперації. Турція і Ціпрус остануть фурт сусідами. К розділіню Ціпру дошло по турецькій інвазії в року 1974. Северну часть острова під справу Турції узнавать лем Анкара. Дебаты о обєднаню строскотали в половині  2017-го рока і одвтогды суть на мерьтвім пункті.  (TASR, Pkf)