Цілково 296 штудентів із Пряшівского самосправного краю собі в понедільок 23-го септембра перевзяло в просторах Історічной будовы Театру Йонаша Заборьского в Пряшові Меджінародну премію воєводы з Едінбурґу. Бронзову нагороду дістало 204 штудентів, стріберны 92. Аґентуру TASR о тім інформовав комунікачный манажер премії Деніс Мачор. Як повів, цілково на Словакії оцінюють почас осени понад 1850 участників бронзовой і стріберной уровни премії у вшыткых вісем краях. За словами Мачора, чіслом участників є Словакія на уровни країн як Канада, Австралія ці Великобрітанія. Премія розвивать участників комплексно – будує ся характер, завзятость, внутрішня мотівація ці добровольницьтво.

(Медвідь, TASR)