Опозічный рух Progresívne Slovensko вызвав міністерку здравотництва Зузану Долинкову і премєра Роберта Фіца, жебы консолідація публічных фінанцій не засягла здравотництво. Єдночано одшмарив обвиніня, же за дефіціт державного розрахунку є одповідна урядницька влада. На понедільковій пресконференції о тім інформовав лідер руху Михал Шімечка, бывшый председа урядницькой влады Людовіт Одор і далшы депутаты Народной рады  СР за PS. Шімечка звенув увагу на то, же здравотництву са якбач дасть іщі менше, як было обіцяне, што подля нього значіть, же о то веце лікарів і сестер одыйде із Словакії, причім уж днесь має Словакія драматічны проблемы з превенційов, доступностьов шпеціалістів, діаґностіков і подобно. Подля Шімечкы уж днесь вмерають тісячі людей на Словакії, котры бы іншак не мусили, кебы было ліпше справоване словацьке здравотництво.

(Медвідь, TASR)