Заступцёве штату і Конфедерація одборовых союзів ся в четвертім колї колектівного выїднаваня договорили на валорізації платів в штатній і верейній службі о 5 % од 1. януара 2026. В будучім роцї достануть заместнанцї в штатній і верейній службі одмену 800 евр. Штат і Конфедерація одборовых союзів при колектівнім выїднаваню управили і условія заместнаваня. Довжку робочого часу становили на 7,5 годины денно, договорили ся і на основній вымері доволенкы пять тыжднів. Іщі о тыждень веце доволенкы достануть заместнанцї над 33 років і тоты, котры ся старають о дїтину.

(TASR, Шутіова)