Бывшый ґубернатор Европской централной банкы і італійскый експремєр Маріо Драґі у віторок перед депутатами Европского парламенту в Штрасбурзі представив свій план на зліпшіня конкуренціїспособности Европы і підкреслив, же Унії грозить розпад або параліза, причім алтернатівов є тісніша інтеґрація. Драґі, автор справы о европскій конкуренціїспособности, котру од нього выжадала предсидателька еврокомісії Урсула фон дер Леєнова, повів, же Унія мусить заміряти ся на три ключовы вопросы: порішіня пропасти в области іновацій в порівнаню із США і Кітайом, выпрацованя сполочного плану на перепоїня ціля декарбонізації із звекшенов конкуренціїспособностьов, і посилніня безпекы Европы і знижіня їй завіслости од загранічных економічных могучостей. Будучность Унії видить в трьох можливостях, Унія собі подля нього мусить выбрати меджі розпадом, паралізов або інтеґраційов.

(Медвідь, TASR)