Америцькый міністер загранічных дїл Ентоні Блінкен у четверь пришов до Варшавы, де буде з представителями польского веджіня роковати о далшій підпорі про Україну. Як увела аґентура PAP, на котру ся одкликує TASR, Блінкен сі протягом навщівы Польщі наплановав сепаратны стрїчі з презідентом Анджеём Дудом, преміером Доналдом Туском а міністром загранічных дїл Радославом Сікорьскым. Наместник польского міністра обраны Павел Залевскый повів, же ся подля нёго рокованя будуть дотуляти і Североатлантічной аліанції а настроїв, як забезпечіти, жебы ся вшыткы заміры сформулованы на самітох і реалізовали. Як далшу тему спомянув і ядрову енерґетіку. Говорити ся буде і о проглубіню енерґетічной кооперації а підпорі Україны, але і о польско-америцькых білатералных одношінях, головно в области воєньской, технолоґічной і господарьской кооперації.

(TASR, Шутіова)