В плені Народной рады (НР) СР ся днесь рано зачало выняткове засіданя к пропозиції на одкликаваня Міхала Шімечку з місця підпредседы парламенту. Ініціовали ю коалічны посланці за Smer-SD і SNS. О пропозиції буде парламент їднати аж до цілкового скінчіня діскусії, то значіть в припаді  потребы і по 19.00 годині. Голосувати о пропозиції буде ся на найближшім голосуваню актуалного рядного 19-го засіданя НР СР. Пропозицію на одкликаня Шімечку подали 5-го септембра посланці за коалічный Smer-SD a SNS. Одкликавати го хочуть про підозріня з черьпаня штатных дотацій особами, котры суть му близькы, і підозріня з маніпулації при призначуваню дотацій. Крітізують го тыж за орґанізацію мітінґів проти веджіню резортів културы і справодливості, в котрых подля них Шімечкова родина страчала фінанчный тыл. (TASR, Pkf)