Мадярьска влада не заплатила Бруселу в становленім терміні штроф 200 міліонів евр, котрый нарядила Европска комісія іщі в юні з причіны „безпрецедентного і вынятково важного порушіня права ЕУ“. Інформовав о тім днесь сервер 24.hu. Влада премєра Віктора Орбана уж 5-го юла авізовала, же санкцію за порушіня азіловых правил не заплатить. Сервер Euronews в повязаню з тым пише, же Европска комісія загнала мадярьскій владі далше оголошіня з терміном до 17-го септембра. Покля Будапешт ани пак не заплатить, Брусел буде актівовати „процес зарахованя“ і суму одрахує з еврофондів, котры мають іти Мадярьску. Дакотры з них уж суть заморожены з причіны проблем із дотримованьом прінціпів правной державы, пише Euronews.

(Медвідь, TASR)