Отворіня школского рока 2024/25 одбыло ся в Мадярьску нелем у вынятковых осінніх гарячавах, але його супроводныма подіями были і демонштрації, запераня школ ці недостаток учітелів. Попередило на то днесь інтернетове выданя денника Népszava. До школскых лавок собі сіло єден а пів міліона школярів, з них коло 100.000 суть першаци основных школ. Початок школского рока є гарячій і про то, же дакотры владны вердікты о едукачній політиці выкликали протесты, з котрых  многы были начасованы якраз на день отворіня школского рока, конштатує Népszava. (TASR, Pkf)