Папа Франциск представив вчера в неділю публіці особность нового благославеного Яна Гавліка. Зробив так по пообідняйшій молитві Ангел Пана у Ватикані. Пресаґентуру TASR о тім інформували з Пресовой канцеларії Конференції єпіскопів Словакії. Як повів Франциск, же тот молодый чоловік вмер в році 1965 в часі комуністичного пронаслідуваня церькви у втодійшній Чехословакії. Його неунавность і свідчіня у вірі най буде повзбуджіньом про тых, котры іщі і днесь підступують подобны пробы. Родак з Дубовіец в окресі Скаліца Ян Гавлік вмер  27-го децембра 1965-го року на наслідкы псіхічного і фізічного тіраня в арешті. Арештованый быв 11 років за властізраду і місійны службы меджі сполуарештованыма. (TASR, Pkf)