Североатлантічна аліанція в понедільок крітіковала діяня Росії і означіла го за неодповідне і потенціално небезпечне. Выголошіня пришло по інформаціях о правдоподобном проникнутю російского дрону до польского воздушного простору, інформує аґентура Reuters. Росія почас понедільковой масівной атакы выпустила на Україну понад 200 ракет, стріл і дронів. Обєкт проникнув до польского воздушного простору приблизно о 6.43 год. На теріторії Польщі го потвердили найменше три радаровы станіці, повів Мачей Кліш, шеф операчной командатуры польской армії. Додав, же над обєктом мав повну контролю і быв приготовленый го зострілити, но заставили го условія погоды. Обєкт счезнув по коло 25 кілометрах на польскій теріторії.

(Медвідь, TASR)