Словацька телевізія і розглас (СТВР) припоминають авторім і інтерпретім термін, котрый ся ближить 1. септембра, до коли можуть приголосовати свої властны, по словацькы співаны співанкы до 40. рочника співанкового змаганя Кошіцькый златый поклад. З приголошеных співанок выбере выберова комісія зачатком септембра ґрупу фіналовых співанок. Фіналовый вечур ся одбуде 26. октобра. ,,До голосованя ся будуть мочі протягом фіналового вечера запоїти і слухачі коло радіоприїмачів і дїваци стріму,“ увела ПР манажерка СТВР Івана Зечевіч. Співанкы до змаганя мож приголосити посередництвом вебового формуларя на сторінцї верейноправного медія. Вітязів чекають фінанчны цїны.

(TASR, Шутіова)