Міністерство културы СР вчера одкликало Александру Кусу з місця діректоркы Словацькой народной ґалерії. Як єдну з причін увело єй неефектівне ряджіня. Способ одкликаня і арґументы, котры при одкликаню Міністерство културы СР поужыло, є уразливость нелем одкликаной особы, але і цілой інштітуції. В реакції на своє одкликаня то выголосила бывша шефка Словацькой народной ґалерії Александра Куса. Опозичне Проґресівне Словеньско зачінать збирати підписы на выняткове засіданя на одкликаня міністеркы културы Мартіны Шімковічовой. Тыж планує зорґанізувати в Братіславі на будучій тыждень протестный мітінґ. (TASR, Pkf)