В Пряшівскім самосправнім края (ПСК) зреалізують завдякы черезгранічній сполупраці дальшы тзв. малы проєкты заміряны на креатівне і турістічно атрактівне пограніча. Говоркыня ПСК Даша Єленьова інформувала, же в рамках вісем одобреных проєктів з проґраму Interreg Poľsko – Slovensko 2021 – 2027 профінанцують в краї веце як 250.000 евр. Як конкретізувала Єленьова, же еврофонды приспіють к выбудованю нового ціклопішника, новой музеалной експозиції і реалізації многых подій. Партнерами в даных проєктох будуть Любовняньске музеюм, міста Кежмарок і Спішска Бела, Областна орґанізація турістичного руху Северный Спіш – Пєнины, села Лесніца і Спішска Тепліца і Рімско-катoлицька церьков – Єпіскопство Спішске Подградіе. (TASR, Pkf)