Говорця найвысшого діпломата Европской унії (ЕУ) Йосепа Боррелла вчера крітізував вбитя лідра палестиньского мілітантного руху Гамас Ісмаіла Ганійа і потвердив незгоду ЕУ з ‟мімосудным забияньом‟. Інформує о тім аґентура DPA. Прокуратор Меджінародного карного суду (ICC) іщі передтым пожадав о приказ на арештованя Ганія на основі різных обвинінь з войновых злочінів, додав говорця. Борреллов говорця тыж вызвав на максімалне стриманя, протоже дальша ескалація на Близькім выході і в шыршім реґіоні непринесе прибыток ниякій країні ани народу. (TASR, Pkf)