Европска публіка собі припоминать Памятный день ромского голокавсту якраз днесь 2-го авґуста. В тот день, точніше в ночі з 2-го на 3-го авґуста 1944-го року, забили націсты в пліновых коморах при ліквідації концетрачного табора Auschwitz-Birkenau  скоро тритісяч ромскых  мужів і жен вєдно дітей і старых людей. Бранами того концетрачного табора перешло коло 22.000 европскых Ромів, причім коло 19.000 з них ся уж ниґда невернуло. За памятный день ромского голокавсту выголосив Европскый парламент 2-ый авґуст в року 2015, чім собі жытелі старого контіненту  припоминають веце як півміліона европскых Ромів забитых націстами. В тім часі то значіло найменше четвертину цілковой ромской популації в Европі. (TASR, Pkf)