Польскый міністер загранічных діл Радослав Сікорскый в понедільок запропоновав, жебы авґустове неформалне засіданя шефів діпломації країн Европской унії одбыло ся на Україні. Мадярьско было проти. Шеф діпломації Унії Жосеп Боррел наслідно інформовав, же стріча намісто Будапешту буде проходити в Бруселі. Мадярьско 1-го юла превзяло презідію в Раді ЕУ. Віктор Орбан пак в куртім часі навщівив Україну, Росію, Кітай і Споєны штаты Америкы, причім то назвав „мірныма місіями“. Лідеры Унії одсудили Орбаноы навщівы з тым, же діяв лем за Мадярьско, не за евроблок. Дакілько членьскых держав єдночасно авізовало бойкот неформалных стріч Рады, котры гостить Мадярьско. Подля Сікорского было пропонованя Україны компроміснов пропозіційов.

(Медвідь, TASR)