Словацького европосланця Мартіна Гойсіка з фракції Обновме Европу (RE) зволили вчера в Штрасбурґу посланці Европского парламенту (ЕП) за єдного зо 14 підпредседів европского законодарного збору, інформує о тім справодайця TASR. Гойсік здобыв од европосланців 393 голосів, причім на зволіня му выстачіло 333. В першім колі зволили цілково 11 підпредседів. Буде наслідувати друге коло в котрім выберуть звышніх трьох. Підпредседа ЕП быв Гойсік і в посліднім функчнім періоді од року 2023, кедь вычеряв на тім місці Міхала Шімечку. Функчный період членів председницьтва є два а пів рока. (TASR, Pkf)