Україньскый презідент Володимір Зеленьскый в понедільок повів, же його цільом є до новембра того року приготовити вшыткы елементы мірного плану, жебы Київ годен быв скликати за порядком другый мірный саміт. Інформує о тім аґентура Reuters. Україна орґанізовала першый мірный саміт минувшый місяць у Швейцарії. Брали на нім участь представителі 92-ох країн з вынятком Росії. Київ інформовав, же на слідуючу стрічу бы могли быти запрошены і представителі Росії. Зеленьскый вчера повів, же собі дав ціль, жебы в новембрі мала Україна наповно приготовленый мірный план.

(Медвідь, TASR)