Европску комісію будуть на неформалных засіданях міністрів у Мадярьску заступати лен высшы урядници, а не еврокомісарі. Вырішыла о тім предсидателька ЕК Урсула фон дер Леєнова в повязаню із загранічныма навщівами, котры Віктор Орбан зреалізовав на початку мадярьской презідії в Раді Европской унії. Пресова аґентура AFP пише, же фон дер Леєнова нарядила верьохвным представителям Унії, жебы іґноровати серію неформалных міністерскых стріч мадярьской презідії якраз в повязаню з навщівов Орбана у російского презідента Владиміра Путіна. Мадярьско на тото рішіня крітічно реаґовало. Мадярьскый міністер про справы ЕУ Янош Бока написал на соціалній сіті X, же Европска комісія собі не може выберати інштітуції і членьскы країны, з котрыма хоче співпрацовати.

(Медвідь, TASR)