Політічны партії достануть в тім році за выслідкы мінулорічных парламентных волеб вєдно скоро 14,3 міліона евр. Вклад собі ділить вісем партій і єдна коаліція, котра у вольбах досягла хоч три процента голосів. Выходить то з дани, котры пресаґентурі TASR дало Міністерство фінанцій СР. Найвеце грошей мать за выслідкы волеб Smer-SD, і то скоро 3,6 міліона евр. Наслідує Progresívne Slovensko з высше  2,8 міліона евр, за ним Hlas-SD зо скоро 2,4 міліона евр, коаліція OĽANO, днесь рух Slovensko,  Kresťanská únia, Za ľudí скоро 1,5 міліона евр і KDH достане высше 1,1 міліона евр. SaS здобуде 1,04 міліона евр а SNS высше 935.000 евр. Фінанчны вклады достануть і субєкты, котры ся до парламенту недостали, але здобыли у вольбах веце як три процента голосів. Рух Republika достане скоро 460.000 евр і Aliancia, днесь Maďarská aliancia, высше 424.000 евр. (TASR, Pkf)