Резорт школства выголосив новы вызву про народный проєкт, котрого цїлём є одстранити сеґреґацію в едукації а принести позітівны зміны про дїти і школярїв з марґіналізованых ромскых комуніт. Проєкт є напряменый на ідентіфікацію і рїшіня прічін сеґреґації в різных локалітах. Рїшіня будуть приспособлены подля містных потреб і условій, причім ключовым первком буде партіціпатівный приступ, запаяня комуніт і містных актерів до процесу. Ключовов частёв проєкту з назвов Можность про вшыткых є приправа і реалізація локалных десеґреґачных ініціатів, котры будуть служыти як основа про вытворїня сістемового і утримательного процесу десеґреґації. Тот процес мать підпорити взник повно інклузівных школ, де будуть мати вшыткы школярї єднакы шанцы на успіх.

(TASR, Шутіова)