Проєкт нового воєньского шпыталю в Пряшові буде реалізованый як стратеґічна інвестіція. Міністерство обраны СР як передкладатель пропозіції увело, же інвестічный проєкт сповнять условія на становлїня за стратеґічну інвестіцію подля закона. ,,Цїлём інвестічного проєкту є, жебы Факултный шпыталь з поліклініков Пряшів підвышыв якость додаваной здравотной старостливости в реґіонї Пряшівского края і выходнёго Словеньска в часї безпечности а быв прімарным здравотницкым заряджінём на діаґностіку і лїчіня раненых і хворых, головно членів Озброєных сил СР а аліанчных єдноток НАТО, але і цівілного жытельства в часї крізовой сітуації,“ пояснив резорт. Новый шпыталь мать быти концёвым тіпом здравотницкого заряджіня, котрый в реґіонї Шаріш додать веце як 2800 робочіх місць при капацітї приближно 942 постелей. Проєкт бы мав стояти подля одгадів 550 міліонів евр.

(TASR, Шутіова)