В неділю 16-го юна одбыв ся одпуст з нагоды праздника Вознесенія Господа за юліаньскым календарьом в селі Шмыґовець, котрому суть присвячены обидва містны ґрекокатолицькы храмы. Деревяна церьков із 1755-го року є Народнов културнов памятков. До їй обновленого інтерьєру быв наіншталованый зрештаврованый оріґіналный іконостас, і зато Высокопреосвященый Йона Максим, пряшівскый архієпіскоп і митрополіта наново посвятив в тот день храм. Участны были нелем домашні віруючі, але і з околіці ці заграніча. Унікатность того дня дотворив і концерт під назвов Небесна любов, котрый одбыв ся по літурґічнім торжестві прямо в храмі.

(Медвідь, ISPA)