Місто Пряшів сі припоминать 777. юбілей першой писомной змінкы. Од четверя є приготовленый про навщівників і жытелїв проґрам Днїв міста Пряшів, як суть концерты, танечны выступлїня і супроводны актівіты про дїти і дорослых, на котрых юбілей ославлять. Як TASR інформовав говорця міста Михал Гудак, головным центром подїї є піша зона а проґрам буде до недїлї (23. 6.). ,,Цїлём было вытворити пестрый, якостный і мултіжанровый фестівал. Каждый день буде напряменый на інакшу цїлёву катеґорію. Історічный центер переміниме на фестівалове місточко повне музикы, танця, аромы, їдал і атмосферы. Сьме рады, же ся ку тій візії вырїшыли припоїти і пряшівскы културны орґанізації і клубы,” увела директорка Парку културы і оддыху Пряшів Барбора Русинякова. Окрем традічного проґраму будуть далшы подїї і в Крайскій ґалерії в Пряшові, Крайскім музею в Пряшові і клубах.

(TASR, Шутіова)