Італійска премєрка Джорджа Мелоніова стрітила ся в понедільок із своїм мадярьскым колеґом Віктором Орбаном. Темов їх переговорів окрім іншого были і резултаты евроволеб, інформує аґентура ANSA. Орбан і Мелоніова стрітили ся в Бруселі перед неформалным самітом Европской унії. Мелоніова є предсидательков фракції Европскых конзерватівців і реформістів. До фракції належыть і їй партія Братя Італії, котра у евровольбах обгаїла позіцію найсилнішов партії. Евровольбы в Мадярьску выграла Орбанова партія Fidesz, котра два рокы тому выступила з Европской людовой партії. Очекує ся, же ся мадярьска владна партія приєднать якраз до Европскых конзерватівців і реформістів.

(Медівдь, TASR)