Навщівници  выглядковой турні на Дуклі можуть собі окрім выставленых експонатів і інформачных табуль о бойох в першій і другій  світовій войні  попозерати і іматацію мінового поля. Турню по рочній реконштрукції отворили в минулім року і частьов послідньой етапы реконштрукції і модернізації є і выбудаваня постійной музейной експозиції у внутрішніх просторах турні. Купола выглядковой турні понукать панораматічный выгляд на шыршу часть словацько-польского погранича в області Дукляньского перевалу. Як нас інформував історик Воєньского історічного інштитуту (VHÚ) Братіслава Петер Голік, спідня часть куполы небыла од отворіня турні в року 1974 аж до минулого року сприступнена про публіку. Была призначена главні про спроваджаня вызначных делґацій ци навщів. На стрісі спідньой куполы є к дізпозиції отворена і тераса, котра є сприступнена навщівником. Выгляткова турня є отворена до 31-го октобра од вівторка до неділі  в часі од 9.00 годины до 17.00 годины. (TASR, Pkf)